Դպրոցը հիմնադրվել է 1982 թվականին: Այն գտնվում է Ավան համայնքի Ավան-Առինջ թաղամասում;
    1982 թվականից մինչև 1990 թվականը դպրոցի տնօրենն է եղել Լենա Եղիշեի Հյուսյանը, իսկ 1990 թվականից առ այսօր` Լևոն Նիկոլայի Սարգսյանը:
    90-ական թթ. դպրոցի աշակերտների թիվը անցնում էր հազար երկու հարյուրից, իսկ դասարանների թիվը` հիսունից: Ներկայումս դպրոցում սովորում են 450 աշակերտներ: 
     2002 թվ-ից դպրոցում իրականացվում է ռուսաց լեզվի խորացված ուսուցում:
     2007 թվ-ից դպրոցը իրականացնում է կրթության առանձնահատուկ պայմանների կարիք ունեցող երեխաների ուսուցում` ներառական կրթություն: Այս ծրագրի իրականացմանը դպրոցին աջակցում են " Հույսի կամուրջ" հասարակական կազմակերպությունը և ՄԱԿ-ի մանկական հիմնադրամը, որոնց հետ դպրոցը սերտ կապի մեջ է:  
       Դպրոցը տվել է բազմաթիվ անվանի շրջանավարտներ, որոնք աշխատում են գիտության, կրթության և մշակույթի բնագավառներում: Դպրոցի շրջանավարտների մեծ մասը հաջողությամբ իրենց կրթությունը շարունակում են բարձրագույն ուսումնական հաստատություններում:

---