21.02.2013. Փետրվարի 21-ը տոնն է մայրենիի Դասի թեման՝ Գանձերի գանձարան, մայրենի՛ լեզու Դասի նպատակները՝ 1. Երեխաները կհիշեն Մաշտոցի և նրա ստեղծած հրաշագործ այբուբենի անգնահատելի նշանակությունը հայ ժողովրդի գոյատևման և հարատևման գործում: 2.Կխաղան լեզվական խաղեր, որոնք կնպաստեն նախադասության յուրացմանը: Այս դասի արդյունքում երեխաները ներկայացրին մայրենիի մասին տեղեկատվական հետաքրքիր նյութեր: Յուրաքանչյուր աշակերտ իր սրտի խոսքն արտասանեց՝ նվիրված մեր գանձերի գանձ մայրենի լեզվին: Երդվեցին անաղարտ պահել մեր սիրասուն մայրենին, սիրել ինչպես մայրերին և գնահատել: Եվ քանի որ քերականության իմացությունն օգնում է, որ մեր ոսկեղենիկ մայրենի լեզուն հնչի ճիշտ, հղկված և քաղցրահնչյուն, ուրեմն դասն սկսվեց ուղևորվելով դեպի քերականության թագավորություն, որտեղ ապրում է նաև մեր հրաշք լեզուն:
